Presidenti i ri i vendit, Ilir Meta, ka hedhur dritë lidhur me disa nga lëvizjet e bëra gjatë aksionit politik për zgjidhjen e krizës.
Sipas Metës, ndërkombëtarët i kanë dhënë porosi për të komunikuar me Berishën dhe me Bashën, pasi ata e dinë këtë dobësi që ka opozita.
Gjithashtu, ai është shprehur duke thënë se po të mos ishte bërë President, vendi mund të arrinte në zgjedhje të parakohshme.
“Nuk kishte ndonjë arsye të bisedoja me Berishën për marrëveshje. Sigurisht unë kam pasur komunikime me Berishën dhe me Bashën për arsye të pozicionit tim që kam pasur në Kuvend.
Ndërkombëtarët më kane dhënë porosi për të komunikuar me të dy pasi ata e dinë këtë dobësi që ka opozita. Në rast se unë nuk do të kisha vendosur të mos bëhesha President, vendi do arrinte në krizë dhe në zgjedhje të parakohshme. LSI ka qenë e orientuar në mënyrë të qartë me partitë e mëdha dhe me ndërkombëtarët. Ne kemi qenë të prerë vetëm të zgjedhjet. Ne nuk ishim në asnjë mënyrë që zgjedhjet të shtyheshin më shumë se 9 shtatori”, tha Meta.
