Liderit të LSDM-së, Zoran Zaev, u takua me liderit të BDI-së, Ali Ahmeti dhe kreun e LR-PDSH-së, Ziadin Sela.
Zaev tha se dëshiron që në Qeverinë e ardhshme të jenë të gjitha partitë që kanë kontribuar në mbledhjen e 67 nënshkrimeve. Mes tjerash, Zaev numëroi disa nga principet dhe parimet për të cilat është biseduar në takimet me të gjitha partitë, siç janë BE dhe NATO, shteti i së drejtës, Marrëveshja e Ohrid, e të tjera.
Zoran Zaev theksoi se ajo që është me rëndësi, është gatishmëria e treguar nga të gjitha partitë për të ofruar kuadro të rinj me perspektivë. Zaev tha se do të dëshironte që sa më shpejt të formohet Qeveria e re.
Më herët, Zaev kishte takim edhe me kreun e LR-PDSH-së, Ziadin Sela, ku gjithashtu u diskutua për formimin e Qeverisë. Pas këtij takimi, palët thanë se për detajet do të njoftojnë opinionin nëpërmjet kumtesave.
