Fushata ka filluar dhe rrjetet sociale janë një mjet i mirë për t’u shfrytëzuar në prag të zgjedhjeve parlamentare.
Një ndër politikanët që është shumë aktiv në rrjetet sociale është pikërisht kryeministri Edi Rama.
Ky i fundit ka bërë postimin e zakonshëm të mëngjesit, ku shfaqet imazhi i Parkut Kombëtar të Divjakës më 2013 dhe sot.
Në Ditën Ndërkombëtare të Biodiversitetit, kryeministri flet për rëndësinë e species në zhdukje, Pelikanit Kaçurrel, ndërsa shton se zhdukja e tij është eliminuar falë ndalimit drastik të gjuetisë.
Megjithatë, në fund Rama habit pasi thotë se nëse shqiptarët nuk i japin një mandat tjetër, e gjitha kjo mund të humbasë, duke nënkuptuar zhdukjen e Pelikanit Kaçurrel.
Duket se kryeministri po shfrytëzon çdo mjet për t’i bindur shqiptarët që ta votojnë sërish.
Më poshtë postimi i plotë i Ramës:
MIRËMËNGJES ?
dhe ju uroj një ditë të mbarë me këtë imazh të Parkut Kombëtar të Divjakës më 2013 dhe sot ?
Në këtë Ditë Ndërkombëtare të Biodiveristetit, kjo mrekulli e jona natyrore që deri 3 vjet e gjysmë më parë rrezikonim t’a humbisnim përfundimisht prej rrënimit e masakrimit çerekshekullor, është një ndër shembujt më të fortë se si me vendosmërinë tonë për të bërë shtet, jo vetëm e shpëtuam këtë thesar por e kthyem atë në një aset të jashtëzakonshëm për ekonominë lokale dhe kombëtare.
Falë ndalimit drastik të gjuetisë e ndërhyrjeve për rehabilitimin e infrastrukturës natyrore, mijëra vizitorë çdo vit, dhe çdo vit edhe më shumë, vijnë nga çdo kënd i botës për të vizituar Shtëpinë e Pelikanit Kaçurrel. Një specie në zhdukje globalisht që bashkë me Flamengot dhe të tjerë shpendë të veçantë, ka rigjetur tashmë në Karavasta oazin e rilindur të paqes dhe strehën e qetë për të jetuar e për t’u shumuar.
Por e gjitha kjo mund të humbasë sërish nëse ndalemi sot, prandaj nuk do të rreshtim së punuari më fort dhe me vendosmëri për të ndërtuar.
