Kreu i Partisë Demokristiane, Nard Ndoka ka folur për mediat pas përfundimit të takimit me kreun e PD-së, Lulzim Basha.
Ndoka shprehu pakënaqësinë lidhur me marrëveshjen, teksa shtoi se ndalimi i koalicioneve është një goditje e pluralizmit dhe e partive e vogla, por tha se është optimist se janë drejt një zgjidhjeje politike.
Gjithashtu, Ndoka tha me ironi se aleatët e PD-së preferojnë mishin dhe jo ngjalat, si koalicioni qeveritar i mëparshëm:
“Kuptohet që është një marrëveshje problematike, ishte drejt një lufte ose një realitet tjetër politik. Ishte e vetmja mundësi, pra do të orientohemi gjithsecili me selitë tonë. Basha ka pas kontakte të vazhdueshme me ne, besoj se kjo nuk është zgjidhja më e mirë, duhet të jemi realistë për atë që ndodhi.
Ndalimi i koalicioneve është një goditje për pluralizmin dhe partitë e vogla politike, por ndodhemi në këtë ngjarje, që besoj se do zgjidhet.
Ne aleatët e PD-së jemi më tepër te mishi se te ngjalat.”
