Portieri Etrit Berisha është një nga 10 portierët më të mirë të këtij sezoni. Studimi është kryer nga Observatori Ndërkombëtar i Futbollit, CIES, i cili ka studiuar paraqitjet e futbollistëve që kanë luajtur për më shumë se 2000 minuta duke përpiluar edhe një klasifikim për çdo pozicion të futbollistëve në fushën e lojës.
Kështu, Etrit Berisha, i cili luan me Atalantan në Serinë A, zë vendin e shtatë me 81.5 pikë, po aq sa edhe Ter Stegen i Barcelonës edhe Ian Oblak i Atletico Madrid.
Gjithashtu, Observatori CIES ka përpiluar edhe formacionet ideale të sezonit 2016/2017, ku porta mbahet nga Neuer, në mbrojtje janë përzgjedhur Sandro, Hummels, Javi Martinez dhe Bruno Peres.
Ndërkohë, në mesfushë vendi në formacionin ideal i takon Pogbasë, Thiago Alcantara e Keita, ndërsa në sulm janë Lionel Messi, Cristiano Ronaldo, të cilëve u bashkohet edhe Dries Mertens.
