Gjatë dekadës së fundit, miliona njerëz në botë kanë arritur të heqin dorë nga duhani.
Përkeqësimi i shëndetit tuaj, kollitja dhe paratë e shpenzuara janë vetëm disa nga disavantazhet e duhanpirjes.
Prandaj, nëse nuk keni tentuar ndonjëherë ta lini duhanin, është momenti që ta bëni tani.
Më poshtë keni disa hapa të thjeshtë, që do ju ndihmojnë:
- Krijoni një plan për këtë
Ndajeni me personat më të afërt këtë që doni të arrini, në mënyrë që të siguroni mbështetjen e nevojshme që ju duhet në këto ditë të vështira.
- Konsideroni medikamentet
Chantix apo Zyban janë medikamente të cilat mund t’ju ndihmojnë në këtë drejtim. Por, mos harroni efektet anësore, p.sh. Chantix mund t’ju shkaktojë probleme të zemrës dhe depresion, por përdorimi i tij për 3 muaj është shumë i sigurt se pirja e duhanit për 10 vjet.
- Dini arsyet
Pyesni veten para se të merrni këtë vendim të rëndësishëm: pse po e bëj unë këtë? Përse tani? Identifikoni të ardhmen që doni të krijoni, mendoni se gjatë jetës suaj keni kaluar sprova më të mëdha se lënia e duhanit.
- Mbani premtimet
Mos iu besoni miteve se do shtoni në peshë, apo të tjera si këto. Mbani premtimin që i keni dhënë vetes dhe ecni drejt suksesit.
- Ndërto zgjidhje të dëshirave
Konsiderojeni cigaren si helm; zgjidhni të kaloni kohë me njerëzit, apo të pini kafe. Shpërbleni veten me ushtrime të mëngjesit, në vend të cigares. Bëni një ecje në mëngjes apo meditim, të gjitha këto janë në të mirë të shëndetit tuaj.
- Ndryshoni rutinën tuaj
Largohuni nga duhani në çdo mënyrë të mundshme. Kafen merreni në dorë dhe provoni një ecje, mbajini duart e zëna që të mos keni mundësi të konsumoni cigare. Hani më shumë çamçakëza, do ju ndihmojnë.
7. Konsideroni alternativa tjera
Sëmundje të zemrës, sulme, kancer, sëmundje të mushkërive të gjitha shkaktohen nga nikotina. Nëse keni provuar dhe keni dështuar të lini duhanin, merrni nikotinën nga alternativa tjera si çamçakëzi apo tableta. Të gjitha këto janë 90% më të sigurta se duhani.
