Janë super të pasur jo sepse kanë biznese por se drejtojnë parti politike. Kanë shumë sukses në akumulimin e pasurive personale dhe nuk e tregojnë çelësin e suksesit të tyre për tu bërë super të pasur. Sigurisht dhe biznesmenët me te suksesshëm në botë do ti kishin zili se si ne kaq pak vite dhe pa biznese arrin te bëhen të pasur vetëm me parti politike super te vogla.
Zbardhen të ardhurat dhe pasuritë e paluajtshme, vetëm përgjatë vitit 2016, të krerëve të partive të vogla. Kryetari i Partisë Demokristiane Nard Ndoka, gjatë vitit 2016, ka blerë një makinë me vlerë 85 mijë euro.
Për të paguar shumën në fjalë, Ndoka i ka marrë një personi privat, 35 mijë euro borxh, ndërsa ka zbrazur një llogari bankare. Ndërkaq, djali i Nard Ndokës, Evis Ndoka, gjatë vitit që lamë pas, ka lidhur një kontratë për blerjen e një apartamenti dhe garazhi, me vlerë mbi 190 mijë euro. Ai ka shlyer 34 mijë euro, ndërsa detyrimi i mbetur është 159 mijë euro. Bashkëshortja e Ndokës punon në Ministrinë e Bujqësisë, djali i punon në Bashkinë e Tiranës, ndërsa vajza punon si specialiste pranë KMSHC.
Ndërkaq, kryetari i PDIU, Shpëtim Idrizi, deklaron një depozitë 10 mijë euro në emrin e bashkëshortes dhe një tjetër po 10 mijë euro në emrin e djalit, Denion Idrizi. Po ashtu, Idrizi, për vitin 2016, ka deklaruar pranë ILDKP, llogari rrjedhëse, interesa dhe depozita në shumat, 2 402 euro, 7 000 000 lekë, 700 319 lekë, 297 509 lekë, 1 026 lekë.
Idrizi thotë se ka mbyllur një kartë krediti në emrin e bashkëshortes, minus 162 385 lekë, pasi ka konstatuar abuzime. Bashkëshortja e tij deklaron 15 mijë euro të ardhura nga shërbimi i konsulencës në ‘Future University of Tirana’ dhe 15 mijë euro dhe 2 529 655 lekë pagë e shpërblime si këshilltare në kabinetin e Guvernatorit të Bankës së Shqipërisë.
Agron Duka dhe Ben Blushi
Kreu u Partisë Agrare Ambintaliste, Agron Duka, rezulton me të ardhura modeste, për vitin që lamë pas. Duka deklaron 734 873 lekë gjendje në llogarinë e pagës, 3 215 844 lekë të ardhura dhe përfitime si deputet dhe 41 800 lekë të ardhura të bashkëshortes Fatbjana Duka nga paga në shoqërinë ‘A.I.B.A KOMPANI’.
Vajza, Eva Duka, deklaron 99 264 lekë në llogarinë e pagës, 1 062 144 lekë pagën si administratore në shoqërinë ‘ECO MARKET’ dhe djali Andi Duka, 600 000 lekë pagën si specialist në shoqërinë ‘ECO MARKET’. Kreu i LIBRA-s Ben Blushi thotë se gjatë vitit 2016, i janë pakësuar llogaritë rrjedhëse dhe depozitat në shumat 2 827 720 lekë, 29 000 000 lekë, 5 884 euro dhe 569 lekë.
Deputeti Blushi deklaron 3 000 000 lekë pagesa për të drejtën e autorit nga UET, 1 648 091 lekë shtesë nga kreditimet për të drejtën e autorit nga UET si dhe 2 439 652 lekë të ardhura nga paga. Po ashtu, Blushi deklaron 1 987 942 lekë të ardhurat nga obligacionet, 3 883 093 lekë të ardhura nga puna e bashkëshortes si notere, 2 040 000 lekë të ardhura nga qerja e ambientit në pronësi të vajzës, Natali Blushi etj.
Pasuria e krerëve të partive të vogla për vitin 2016
Nard Ndoka, kreu i PDK
Blerja makine në vlerën 85 mijë euro, 35 mijë euro marrë hua, 33 mijë euro kalim nga paga, 4 mijë euro kalim nga llogaria personale.
Dy llogari bankare, 1 040 euro.
Llogari në lekë, 194 410 lekë.
Pakësim i llogarive në shumat, 24 151 lekë, 339 180 lekë dhe 21 USD.
Dhënë hua subjektit Last Minute Albania, 4 100 euro.
Të ardhura nga paga, 3 187 555 lekë.
Të ardhura nga llogaria, 199 322 lekë.
Të ardhura nga bashkëshortja si specialiste pranë Ministrisë së Bujqësisë, 616 489 lekë.
Kredi në vlerën, 2 000 000 lekë, shlyer 176 922 lekë.
Hua shtetasit…., 35 mijë euro.
Kozeta Ndoka, shtesë në llogarinë rrjedhëse, 9 489 lekë.
Djali Evis Ndoka, shtesë në llogarinë rrjedhëse, 215 115 lekë.
Të ardhura si specialist në Bashkinë e Tiranës, 708 507 lekë.
Kontratë për blerje apartamenti dhe garazh, shlyer 34 944 euro, detyrimi i mbetur 159 400 euro.
Stela Ndoka, vajza, llogaria rrjedhëse, 788 lekë.
Të ardhura si speciale pranë KMSHC, 565 330 lekë.
Shpëtim Idrizi, kreu u PDIU
Interesa nga depozita, 2 402 euro.
Interesa nga depozita 7 000 000, 700 319 lekë.
