Ish-të dënuarve politikë të kategorisë parësore, Ministria e Financave u ka çelur këstin e tetë dhe të fundit
Lajmi u publikua nga kreu i kësaj ministrie, Arben Ahmetaj. Me anë të një statusi në faqen e tij të ‘Facebook’-ut, Ahmetaj pohoi se në tre vitet e fundit u çelën 6 këste, ose 5.8 miliardë lekë.
Postimi i Arben Ahmetajt në Facebook:
Ministria e Financave ka çelur këstin e tetë dhe të fundit për ish-të dënuarit politikë të kategorisë parësore, duke përmbyllur kështu me sukses një cikël të rëndësishëm që mbi të gjitha, është shprehje e drejtpërdrejtë e vëmendjes dhe përkujdesit social të një qeverie ndaj atyre në nevojë.
Në 2009-2013, qeveria e vjetër, shpërndau vetëm dy këste për kategorinë parësore, ose 1.47 miliardë lekë.
Në tre vitet e fundit ne çelëm 6 këste, ose 5.8 miliardë lekë, pra katër herë më shumë.
Një arsye më shumë pse #ShqipëriaQëDuam nuk mund të kthehet mbrapa!
