Kryeministri në largim i Republikës së Kosovës, Isa Mustafa, pas takimit me kongresistin Bob Goodlatte nga Virgjinia, tha se “Për Kosovën dhe popullin e saj, anëtarësimi i plotë në strukturat euroatlantike, ndryshe prej ndonjë vendi në rajon, është e vetmja alternativë”.
Në takimin në falë u bisedua për progresin e deritashëm, zhvillimet aktuale dhe perspektivën e qytetarëve dhe të shtetit të Kosovës në vitet në vijim. Kongresistët amerikanë u interesuan për çështje të ndryshme që lidhen me zhvillimet aktuale në Kosovës, për relacionet me vendet fqinje, forcimin e shtetit të së drejtës, për zhvillimet në rajon dhe më gjerë.
Të pranishëm në takim ishin kongresistët Bob Goodlatte (R-VA), Peter DeFazio (D-OR), Steve King (R-IA), David Cicilline (D-RI), Dave Trott (R-MI), Matt Gaetz (R-FL) dhe zëvendës-shefja e Misionit të SHBA-ve në Kosovë, Colleen Hyland. Vlen të thuhet se gjatë ditës së djeshme është vendosur se zgjedhjet në Kosovë do të mbahen më 11 qershor.
