Opozita e Kosovës ka dorëzuar 42 nënshkrimet e deputetëve për shkarkimin e qeverisë Mustafa.
Kështu, Kryesia e Kuvendit do të mblidhet në orën 14:00 për shqyrtimin e mocionit të mosbesimit.
Dorëzimi i mocionit me 42 firmat e deputetëve në Kryesi u bë sot në mëngjes nga shefat e grupeve parlamentare të opozitës VV, AAK dhe Nisma kanë dorëzuar mocionin në Kryesi.
Mësohet se nga nënshkrimet, 10 firma ishin të deputetëve të koalicioni qeverisës PDK-LDK dhe pakicat.
Mocioni i mosbesimit ndaj një Qeverie, sipas Kushtetutës së Republikës së Kosovës, mund të ngrihet me propozimin e një të tretës (1/3) së deputetëve të Kuvendit.
Ndërsa pas dorëzimit të tij në Kryesi, mocioni i mosbesimit vihet në rend dite në Kuvend jo më vonë se pesë ditë nga paraqitja, e as më herët se dy ditë nga data e parashtrimit të tij.
Mocioni konsiderohet i pranueshëm për ta dorëhequr Qeverinë në rast se siguron shumicën e votave të deputetëve në Kuvend.
