Një person është arrestuar dhe një tjetër është shpallur në kërkim, pasi tregtonin pije freskuese të falsifikuara. Në pranga ka përfunduar Genc Brahysas, 34 vjeç, ndërsa është shpallur në kërkim E.M., me profesion teknolog (kimist), si dhe është proceduar penalisht shtetasja me inicialet F. B., 36 vjeçe.
Seksioni i Krimit Ekonomik kishte marrë informacione se këta shtetas prodhonin pije freskuese pa licencë dhe më pas i tregtonin ato.
Në bashkëpunim me Hetimin Tatimor dhe Autoritetin Kombëtar të Ushqimit, u ushtrua kontroll në adresën, ku ishte marrë informacion se këta shtetas kryenin aktivitetin e jashtëligjshëm, ku u gjet një punishte e fshehur në ambientet e një magazine, në brendësi të të cilës u konstatuan dhe u sekuestruan në cilësinë e provës materiale:
3 048 pije freskuese të dyshuara të falsifikuara të ambalazhuara të gatshme për tregtim
– 1 makineri artizanale për prodhimin e pijeve
– 1 presë për stampimin e vulave të skadencës
– 8.5 kg koncentrat me afat të skaduar (produkt i dyshuar kontrabandë)
– 18 kg esencë (produkt i dyshuar kontrabandë)
– 18 kg aromatizues të ndryshëm për prodhim pijesh freskuese dhe energjike
– Etiketa të markave “Lëng pjeshke, Lëng Limoni, Lëng Pjepri dhe Pije Energjike Dajti”.
