Klajdi Pici, së fundmi, ka kryer transferimin tek Kaljari, pas disa sezoneve të suksesshme në akademinë e Suno Novara.
Djaloshi 16-vjeçar, i grumbulluar nga përfaqësuesja U-17, ka firmosur një kontratë trevjeçare me klubin e Kaljarit, siç u lejohet futbollistëve nën moshën 18-vjeçare.
Mediet italiane bëjnë me dije se talenti kishte oferta gjithashtu edhe nga Empoli, Fiorentina, Specia, Entela, Sampdoria, Alesandria, Lugano dhe Genk. Por, menaxheri Dorian Shkira ka gjetur një akord me Kaljarin, duke pasur bindjen se në këtë klub, Pici do të gjente shumë shpejt hapësira edhe me ekipin e parë.
