Deputetja e Partisë Demokratike, Majlinda Bregu, ka reaguar për herë të parë pas “stuhisë” që preku dje PD-në, me statusin e saj në rrjetin social “Facebook”. Statusi i Majlinda Bregut gjeti mbështetjen e Jozefina Topallit dhe të Eduart Selamit. Por ky status u kritikua ashpër nga Arben Ristani dhe Ervin Salianji. Majlinda Bregu në statusin e djeshëm tregon se me komentet e saj arriti të mbledh grupin parlamentar të PD-së. Gjithashtu, Bregu falënderon ata që e përkrahën dhe ndjen keqardhje për ata që e ofenduan me komentet e tyre.
Statusi i plotë i Majlinda Bregut në Facebook
Faleminderit të gjithë atyre që më mbështetën pas alarmit tim në këto orë të vështira
Faleminderit për miqtë e PD-së dhe Familjes së Djathtë Evropiane…..
Mirëkuptim për ata që thanë ke të drejtë por folën vonë.
Keqardhje për këdo që nuk la llaf pathënë nga fyerjet personale deri tek shpallja armik meqë guxoj e them lirshëm atë që mendoj se duhet të ndodhë në PD.
Rëndësi ka që sot mblidhet pas një kohe që s’mbahet mend, grupi ynë parlamentar.
Uroj që arsyeja dhe interesi i Shqipërisë dhe demokratëve të vërtetë të dalë mbi inercinë e një rruge që mund të kthehet në një të tatëpjetë pa kthim për Partinë time, për Partinë më të mirë të historisë së Shqipërisë!
