Papa Françesku është shoqëruar me masa të forta sigurie në stadiumin e Kairos, për shkak të frikës për sulme të mundshme nga grupe terroriste, që veprojnë në Lindjen e Mesme. Por, kur Papa mbërriti në stadium, ai iu rrotullua fushës me një makinë golfi të hapur, duke përshëndetur mijëra vetë, që kishin mbushur shkallët e stadiumit. Papa mbante në duar flamuj të Vatikanit dhe tollombace të verdhë.
Egjipti ka rreth 10 milionë të krishterë koptikë. Por, në një vend me afro 92 milionë banorë, të krishterët janë një segment që po tkurret. Në Siri dhe Irak, ekstremistët e Shtetit Islamik kanë dëbuar një numër të madh të krishterësh gjatë viteve të fundit.
Në Egjipt, popullata e krishterë koptike, një nga pakicat fetare më të mëdha dhe më të vjetra të krishtera në Lindjen e Mesme, po kalon kohë të vështira. Këtë muaj 40 vetë gjetën vdekjen, kur tre kisha u sulmua nga ekstremistë të Shtetit Islamik.
