Ulja e ndjeshme e temperaturës ka shkaktuar shumë probleme, sidomos në zonën e Korçës.
Dëbora ka shkaktuar një katastrofë natyrore, ndërsa ministri Panariti e ka inspektuar zonën nga afër.
Ai ka shkuar në fshatin Dovran, ku e cilësoi gjendjen si katastrofike, ndërsa shtoi se do mbulohen kostot e prodhimit për t’u ardhur në ndihmë fermerëve.
“Këtu një katastrofë natyrore nga ngrica. Po bëjmë vlerësimin e shkallës së dëmit dhe do mbështesim fermerët sidomos ata që janë në rrethana kredie dhe do dëmshpërblejmë me sa mundemi. Do përpiqemi të mbulojmë kostot e prodhimit. Situatë e ngjashme dhe në Dibër. Domosdoshmëri futja e skemave të sigurimit. Siç bëmë me Elbasanin, duhet ta shtrijmë më gjerë këtë çështje”, ka deklaruar Panariti.
