Dy oficer u vranë dhe një tjetër u plagos në Paris, pasi një sulmues hapi zjarr në bulevardin qendror të Champs-Elysees.
Tre burime të policisë konfirmuan për “Reuters” se kjo mund të ketë qenë një tentativë për grabitje të armatosur.
Megjithatë, Ministria franceze e Brendshme thotë se është tepër herët për të dhënë një motiv të qartë për sulmin.
Një zëdhënës i ministrisë që fliste në televizionin francez tha se oficerët e policisë ishin goditur qëllimisht. Policia më vonë tha se të paktën dy sulmues ishin përfshirë.
Vrasja bëhet 3 ditë para raundit të parë të zgjedhjeve presidenciale franceze, që po zhvillohet më 23 prill.
Presidenti i SHBA, Donald Trump, i ka shprehur ngushëllimet e tij, popullit të Francës, duke thënë se ai dukej si një sulm tjetër terrorist.
Një hetim antiterrorist ka nisur. “Oficerët ishin në shënjestër të qëllimshme”, tha zëdhënësi i Ministrisë së Brendshme, Pierre-Henry Brandet, për kanalin e lajmeve të BFMTV të Francës.
Një person i armatosur me një armë automatike hapi zjarr mbi një patrullë, sipas gazetës Le Parisien
I gjithë kampi i Elysees është evakuuar dhe automjetet e policisë kanë rrethuar vendin ku u krye sulmi. Të shtënat u dëgjuan rreth orës 21:00 (19:00 GMT)
