Një qytetar i komunitetit rom ka rrëfyer një ngjarje aspak të zakontë, teksa është arrestuar para pak kohësh, pasi rezultonte debitor i energjisë elektrike.
Drama shtohet edhe më shumë, kur kryefamiljari tregon kërkesën e “çuditshme” që i ka bërë gjykatës, ndërsa, kjo e fundit, i ka komunikuar vendimin e dënimit me 6 muaj burg.
“Prokurori dha vendimin për 6 muaj burg dhe për 18 muaj, shlyerjen e detyrimeve. Në këtë kohë i them prokurorit:
‘Pse 6 muaj?’
‘Po sa?’, më tha.
‘6 vjet’, i thashë. Se tre vakte i ke të paguara dhe një prej tyre me mish. Kam 10 vjet që s’e njoh mishin, as të viçit, as të lopës dhe as të derrit. Hymë me kokë në kazanët e plehrave dhe do zihemi me qentë, se ça hanë ata, hamë dhe ne”, janë këto fjalët prekëse të kryefamiljarit, i cili rrëfeu vështirësitë e tij ekonomike gjatë një takimi.
Më poshtë rrëfimi “therës” i kryefamiljarit, publikuar nga “Nisma Thurje”.
https://www.facebook.com/thurje/videos/590870811122091/
