Ministri i Jashtëm, Ditmir Bushati ka pritur në një takim, homologun holandez, Bert Koenders.
Gjatë fjalës së tij, Bushati siguroi intensifikimin e marrëdhënieve mes dy vendeve.
“Dëshirojmë të intensifikojmë marrëdhëniet midis dy vendeve. Nga 10 maji 2017, fluturime direkte, tre herë në javë drejt Holandës”, tha ndër të tjera Bushati.
Ndërkohë, ministri i Jashtëm holandez tha se mbështet procesin e integrimit të Shqipërisë në BE, si dhe kërkoi zgjedhje të lira e të ndershme:
“Vizita ime e fundit në Shqipëri ka qenë në 1991. Jam i lumtur që rikthehem pas kaq shumë vitesh. Holanda mbështet Shqipërinë për integrimin e saj në Bashkimin Europian. Ne jemi investitori i dytë më i rëndësishëm në Shqipëri. Mendojmë që Shqipëria ka marrë hapa të mirë për të miratuar reformën në drejtësi dhe ju sigurojmë mbështetje për zbatimin e saj. Duhet të ketë zgjedhje të lira e të ndershme. Jemi në mbështetje të qeverisë për procesin e Vettingut. Ne e gjejmë veten në fusha të ndryshme këtu në Shqipëri, e sidomos në turizëm. Kemi bashkëpunim edhe në forumin ndërkombëtar, në fushën e sigurisë dhe në luftën e përbashkët kundër ISIS-it. Në muajin maj do të ketë fluturime direkte Tiranë-Amsterdam. Ne e mbështetin perspektiven europiane të Shqipërisë. Përshëndetim angazhimin e qeverisë shqiptare në realizmin e reformave në fushën e drejtësisë ka ardhur koha që të gjithë këto reforma të fillojnë realizmin. Mendoj se edhe zgjedhjet në vijim janë të rëndësishme. Janë një çështje e brendshme dhe nuk dua të përfshihem, por theksoj se është e rëndësishme të ketë dialog politik”.
