Shqipëria renditet në nivele të larta të fenomenit të bullizmit. Një studim, i bërë nga BE dhe Këshilli i Evropës, ka dalë në konkluzionin se 1 në 5 nxënës, nga klasa e katërt dhe deri në vitin e fundit të gjimnazit, është i përfshirë në bullizëm, në shkollat tona.
Studimi u bë në 141 shkolla të mesme dhe 9-vjeçare, ndërsa rezulton se bullizmi është më i përhapur në shkollat private.
Bullizmi ndikon drejtpërdrejt tek fëmijët, pasi këta të fundit kanë dhimbje koke dhe stomaku të shpeshta, kanë nivele depresioni, ankth dhe panik. Gjithashtu, “viktimat” e bullzimit nuk duan të shkojnë në shkollë, ose kanë rezultate të dobëta në mësime.
