Kryeministri Edi Rama vazhdon të jetë shumë aktiv në Facebook, ndërsa sot ka zgjedhur të thumbojë kryebashkiaken e Shkodrës, Voltana Ademin.
Ai ka publikuar një foto nga Ura e Bunës, teksa shkruan ndër të tjera:
“Kjo është Ura e Bunës dhe i lutem çdo shkodrani që e sheh, t’ia çojë këtë pamje të trishtueshme kryebashkiakes dhe t’i thotë se nuk duhen lekë, po mjaftojnë sytë e dashurisë për Shkodrën, për ta riparuar brenda muajit! Veç mos i thoni që ju thashë unë, se e shkreta Voltanë mendon se sa më shumë të rrënohet Shkodra, aq më shumë do t’i urrejë socialistët.”
Megjithatë, jo të gjithë ndjekësit e tij ndajnë të njëtjin mendim me kryeministrin. Dikush i kujton unazën e Myzeqesë, ndërsa një tjetër e krahason me Vangjush Dakon.
Më poshtë replikat e përzgjedhura:
Qytetari: Z kryeminister se mos ngatërrohet shoferi e të drejton për në #LibofshaJone ndonjëherë. nuk vlen për ju unaza e myzeqes,mos ndoshta keni vendosur të na ktheni në moçal??!!
Rama: Julian, mbase nuk e ke vënë re që është ndërtuar e re rruga e Libofshës, dhe s’të vë faj se ka akoma shumë për të bërë! Respekte për Myzeqenë
Qytetari: Je ba si shtypshkronjë e vjetër, edhe ti ishe krytar bashkie e sbane asigja veç beton si vangjushi, trego realitetin e shpitarve që ju prishe ëndrrat me politikën tënde
Rama: Shqiptarëve Leksi jo shpitarëve dhe më fal po për ata që kanë sy po s’duan të shohin s’ka as çka me tregue
Qytetari: Edi kam vetëm një pyetje nqoft se mundesh të kesh një përgjigje? mokra e pogradecit ka 32 fshatra 3 komuna edhe nuk është bërë ivestimi më i vogël si ma shpjegon këtë?
Rama: Sepse në 3 vjet e gjysëm nuk bëhen dot të gjitha çka u rrënuan në çerekshekulli
