Pas publikimit të një videoje në rrjetet sociale ku shihet një punonjës i Policisë Bashkiake duke goditur një qytetar, janë kryer hetimet e nevojshme dhe është nisur procedimi në gjendje të lirë për të dy personat e përfshirë.
Shtetasi A. T., 36 vjeç, dhe punonjësi i Policisë Bashkiake, Q. N., 54 vjeç, dyshohet se janë përfshirë në një përplasje fizike pas një mosmarrëveshjeje për një masë administrative. Të dy kanë goditur njëri-tjetrin me grushte dhe tashmë përballen me procedura ligjore.
Njoftimi:
Në lidhje me një video të postuar në rrjetet sociale, në të cilën shfaqet një punonjës i Policisë Bashkiake duke goditur me grushte, 1 qytetar, sqarojmë se u kryen hetimet e nevojshme në lidhje me rastin dhe në përfundim të tyre, nisi procedimi në gjendje të lirë për shtetasin A. T., 36 vjeç dhe për punonjësin e Policisë Bashkiake, shtetasin Q. N., 54 vjeç, pasi dyshohet se si pasojë e mosmarrëveshjes në lidhje me një masë administrative, kanë goditur me grushte, njëri-tjetrin.
