Inteligjenca artificiale po transformon shumë fusha dhe tani duket se edhe qielli po bëhet pjesë e këtij rrjeti. Gjigandët e teknologjisë besojnë se AI mund të përdoret për parashikimin e motit
Nga reshjet e befasishme te valët përvëluese të të nxehtit, parashikimi i motit është bërë më i rëndësishëm se kurrë.
Në garën për saktësi dhe shpejtësi ka hyre në lojë inteligjenca artificial, e cila po sfidon modelet tradicionale që kanë mbështetur meteorologjinë për dekada.
Gjigantët e teknologjisë sjellin modele të reja të parashikimit të motit të bazuara në inteligjencë artificiale.
Këto modele të të mësuarit automatik, ndryshe nga modelet tradicionale që bazohen në fizikë, përdorin miliona të dhëna historike për të parashikuar të ardhmen – dhe arrijnë ta bëjnë këtë në pak sekonda, edhe me një laptop të zakonshëm.
Ndryshe nga super-kompjuterët e zakonshëm, që kërkojnë orë të tëra dhe miliarda paund për të prodhuar parashikime, IA vjen me shpejtësi dhe efikasitet befasues.
Por… a janë këto parashikime të besueshme? Sipas të dhënave zyrtare nga Qendra Evropiane për Parashikimin e Motit, disa modele si GraphCast i Google dhe Aurora e Microsoft kanë qenë më të sakta se sistemet tradicionale për disa elementë të motit, si presioni atmosferik.
Por kur bëhet fjalë për parashikimin e reshjeve lokale apo stuhive të fuqishme, rezultatet janë më të dobëta.
IA mund të mos kapë fenomenet ekstreme në shkallë të vogël dhe ka vështirësi me ngjarjet e rralla që s’ndodhin shpesh, si shpërthimet vullkanike.
Ekspertët besojnë se e ardhmja qëndron në bashkëpunimin mes dy qasjeve, n te fuqia analitike e inteligjencës artificiale dhe saktësia fizike e modeleve tradicionale.
Në një botë gjithnjë e më të ngrohtë dhe më të paparashikueshme, të parashikosh motin nuk është më thjesht luks është mbijetesë.
Inteligjenca artificiale po ndryshon shumë fusha dhe tani duket se edhe qielli ka hyrë në rrjet. Por, shkencëtarët edhe pse të shqetësuar thonë se, për motin, edhe teknologjia më e zgjuar ka ende nevojë për parashikim me mendje të ftohtë.
