Deputetja e Partisë Demokratike, Jorida Tabaku, ka kritikuar rritjen e çmimeve të shportës, që sipas saj janë rritur me 60% krahasuar me 12 vite më parë.
Ajo theksoi se kjo rritje është e papërballueshme për qytetarët, pasi nuk është shoqëruar me një rritje të të ardhurave dhe pensioneve. Tabaku i lidh këto shqetësime me taksat e larta, mungesën e konkurrencës për shkak të monopoleve dhe korrupsionin që ka prekur çdo hallkë të tregut.
Tabaku kërkon një model të ri ekonomik që promovon taksat e drejta dhe konkurrencën e hapur për të dalë nga kriza aktuale. Tabaku shpreson që vitin 2025 do të sjellë ndryshime dhe zgjidhje për shqiptarët.
