Një 35-vjeçar shqiptar ka rënë në pranga nga policia italiane. Ai akuzohet se ka plagosur rëndë partneren e tij.
Siç shkruajnë mediet e huaja, kanë qenë fqinjët ata që kanë denoncuar rastin në polici, pasi kishin dëgjuar thirrje për ndihmë nga e dhunuara.
40-vjeçarja italiane u gjet me shenja të shumta në fytyrë. Ajo tha se partneri i saj shqiptar nuk kishte pranuar të ndahej nga 40-vjeçarja, e si pasojë çifti ishte përfshirë në një debat, ku 35-vjeçari e kishte goditur.
Ai në pamundësi për të pranuar vendimin e partneres, e ka sulmuar me shqelma dhe grushta, duke e goditur me dhunë në fytyrë, sa i ka thyer hundën dhe më pas është larguar nga shtëpia.
Gruaja italiane ka raportuar se prej kohësh shqiptari e dhunonte. Gruaja është dërguar në spitalin Villa Scassi.
35-vjeçari u kap në afërsi të Sant’Olcese dhe u bllokua para se të humbiste përfundimisht gjurmët e tij. Ai u arrestua dhe u transferua në burgun e Genoa Marassi.
