Milani thuhet se po bën presion për të nënshkruar me Hakim Ziyech fillimisht në formë huazimi nga Çelsi me mundësi blerjeje. Ziyech nuk arriti dot aty ku pritej në sezonin e tij të parë në Stamford Bridge, duke shënuar gjashtë gola dhe duke asistuar katër të tjerë në 39 paraqitje.
Lojtari i kombëtares marokene është këshilluar të largohet nga Çelsi këtë verë dhe Calciomercato.it thotë se Milani është i gatshëm t’i ofrojë ish-lojtarit të Ajaksi një rrugë për të dalë nga Londra. Milani ka marrëdhënie të mirë me ‘blutë’, pasi vetëm në këtë merkato ka nënshkruar gjithashtu me Fikayo Tomorin dhe Olivier Giroud nga kampionët e Europës.
Skuadra e Stefano Piolit po kërkon të forcohet edhe më tej në mesfushën e avancuar, para fillimit të sezonit të ri, pas largimit të Hakan Calhanoglu për tek rivalët e Interit.
Brahim Diaz këtë javë zgjati huazimin e tij në San Siro nga Real Madridi, por Pioli thuhet se do të jetë në kërkim të të paktën një blerjeje të re për të luajtur pas shpinës së Zlatan Ibrahimoviçit dhe Giroud./Tirana Today
