“Deri tani janë kapur tre aeroplanë që transportonin ilegalisht shqiptarë nga Holanda, Franca dhe Gjermania drejt Anglisë, por zyrtarët besojnë se kjo është vetëm maja e ajsbergut e këtij ‘biznesi ajror’, ilegal.”
Kështu e nis artikullin kushtuar emigrantëve shqiptarë dhe hyrjeve ilegale në Britani, një prej medieve më prestigjioze, “The Sun”. Sot është publikuar një artikull mjaft interesant dhe që ka vënë në alarm sigurinë dhe kufijtë shtetërorë, pasi është zbuluar një formë e padëgjuar më parë për kontrabandimin e njerëzve, më saktë shqiptarëve që duan të hyjnë me çdo kush dhe çmim në Angli.
Nga hetimet janë zbuluar dy pilotë britanikë, që u arrestuan këtë muaj me akuzën e përpjekjeve për të transportuar 14 shqiptarë nga Holanda, duke përfshirë edhe tre fëmijë.
Aeroplani i tyre është një nga tre aeroplanët e ndaluar gjatë këtij viti, edhe pse zyrtarët besojnë se është vetëm maja e ajsbergut, ndërkohë që janë me qindra emigrantë gati për tu transportuar në aeroplanët e mbingarkuar.
“Është një shqetësim. Trafikantët janë gjithnjë e më të dëshpëruar për shkak të kontrolleve më të ashpra në vende si Calais-i. Disa emigrantë janë gati të paguajnë shuma të mëdha vetëm që të hyjnë të sigurt në Britaninë e Madhe. Kushton shumë që të udhëtosh me avionë të vegjël që hyjnë në kategorinë e “biznes klaseve,” tha Toni Smith, shefi i Forcave të Forcës Kufitare të Britanisë së Madhe.
Dy pilotët e arrestuar britanikë, emrat e të cilëve nuk bëhen të ditur, fluturuan në Holandë nga Lydd, Kent.
Piloti lituanez Algirdas Barteska u kap në kontrabandë teksa transportonte tre emigrantë ilegalë shqiptarë
Thuhet se këta dy pilotë kishin planifikuar të ngarkonin 14 emigrantë në aeroplan, edhe pse aeroplani ka vende vetëm për 6 pasagjerë.
Pilotët 47 dhe 62 vjeç janë paraqitur para një gjykatësi holandez, i cili i la në paraburgim dhe Zyrtarët e Forcave të Mbretërisë së Bashkuar janë angazhuar në hetimet e mëtejshme.
Një burim holandez tha se ky ishte një plan i sofistikuar dhe padyshim është më i gjerë se sa këto arrestime fillestare. Ai tha se i cilësoi si një rrjet që vepron në Britani për të sjellë njerëz në mënyrë të paligjshme dhe pas kësaj fshihen bandat kriminale që po fitojnë shumë para.
Kjo ngjarje vjen fill pas arrestimit të dy britanikëve të tjerë që po përpiqeshin të sillnin ilegalisht katër emigrantë shqiptarë.
Calais në Francë, u arrestuan pilotët britanikë
Cessna 172, aeroplani që kishte do të transportonte katër emigrantë ilegalë shqiptarë në Britani
Edward Buckley, 45 vjeç dhe David Green, 53 vjeç, u arrestuan pasi ishin në përgatitje për t’u nisur pranë Calais dhe janë dënuar tashmë ne nga 30 muaj burg secili.
“Kjo është hera e parë që kemi parë diçka të tillë. Më përpara njerëzit të kanë përdorur makina, kamionë dhe trena, por kurrë avionë. Kjo hap një front krejt të ri kur bëhet fjalë për kontrabandën e njerëzve,” tha për The Sun prokurori francez Philippe Sabatier.
Ndërkohë një gjykatës paralajmëroi në janar se aeroportet janë të pambrojtura ndaj kontrabandistëve, pasi një pilot u kap duke fluturuar me tre shqiptarë që i sillte nga Gjermania.
Ndërkohë në qershor të 2016-ës, lituanezi, Algridas Barteska, 60 vjeç, u arrestua dhe dënua me 6 vite burg, pasi kishte çaktivizuar transponderin e tij për të mos u gjurmuar nga radarët, por u kap pasi u ul në Seething, Norfolk duke transportuar 3 shqiptarë nga Gjermania./The Sun
Përshtati redaksia Tirana Today
