Një djalë i mitur është vetëvrarë, pasi nuk duronte dot presionin e shokëve, teksa u kishte thënë se ishte homoseksual. Shokët e tij nuk e kanë mirëpritur këtë zgjedhje, ndonëse ai i kishte thënë familjarëve se ndihej krenarë. E ëma e tij i kishte qëndruar pranë, por ditët e makthit ia kishin vështirësuar jetën një 9-vjeçari, aq sa ai u dorëzua, duke u vetëvrarë.
Leia Pierce tha për mediat se djali i saj, Jamel Myles i kishte treguar se ishte homoseksual. Ajo shtoi gjithashtu se Jamel donte që dhe shokët e tij të klasës ta dinin, sepse ai ishte krenar që ishte homoseksual.
“Katër ditë shkollë iu deshën për ta vrarë veten. Ai nuk e meritonte këtë. Ishte kaq i frikësuar kur më tregoi. Dhe unë i thash që e dua pavarësisht gjithçkaje. Ai më tha se edhe në shkollë do u thotë njerëzve se është homoseksual, sepse është krenar për këtë gjë”, ka thënë e ëma e 9-vjeçarit.
Trupi i pajetë i vogëlushit u gjet të enjten e kaluar, në shtëpinë e tij. Sipas nënës së djalit, pak para se të bënte vetëvrasje, ai i kishte treguar motrës më të madhe se nxënësit në shkollë, i kishin thënë të mbyste veten, pasi u tregoi që ishte homoseksual. Policia e Denver ka nisur hetimet për vdekjen e djalit, si një vetëvrasje.
