Drejtuesi i Nismës Thurje, Endri Shabani, deklaroi publikisht se në listat e kësaj partie për zgjedhjet parlamentare të 25 prillit, është kandidat për deputet edhe një person i dënuar më parë.
I ftuar në ‘VizionPlus’, Shabani u shpreh se kandidati është dënuar për protestën që ka zhvilluar kundër inceneratorëve.
Ndër të tjera, Shabani tha se forca politike që ai kryeson është përgatitur për fushatën zgjedhore.
“Të gjitha fortat e tjera politike janë një rikthim në të shkuarën. Nisma Thurje ofron të ardhmen, ne po përpiqemi të ndërtojmë të ardhmen në këtë vend. Ne kemi 153 kandidatë në çdo qark të Shqipërisë. Ajo që kemi bërë deri tani ka qenë një seleksionim i kandidatëve tanë. Jemi përgatitur për fushatën zgjedhore. Kemi vetëm një të dënuar, që është dënuar se ka protestuar kundër inceneratorit të plehrave”, tha Shabani.
