Forcat e Armatosura Turke ka goditur 108 prej 113 objektivave të përcaktuara. Mësohet se të vdekurit dhe të plagosurit të sjellë në spitale janë nga PYD/PKK. Akoma nuk ka shifra të sakta për numrin e atyre që kanë humbur jetën dhe janë plagosur.
Në kuadër të operacionit “Dega e Ullirit” avionët luftarak të TSK-së në shtatë rajone kanë neutralizuar 108 objektiva të përcaktuara të organizatës terroriste PKK/KCK/PYD-YPG dhe DEASH, të cilat përdoreshin si strehimore, bunkerë dhe depo të municioneve. TSK po ashtu njofton se 72 avionë janë kthyer në siguri në bazat e tyre për t’u përgatitur në detyrat pasuese.
Në një deklaratë me shkrim nga TSK thuhet se, “Operacioni i ‘Degës së Ullirit’, i cili është nisur nga TSK në ora 17.00 (sipas orës lokale) me qëllim të ofrimit të sigurisë dhe të stabilitetit në kufijtë e Turqisë dhe në rajon, për neutralizimin e terroristëve anëtarë të PKK/KCK/PYD-YPG dhe DEASH-it në rajonin e Afrinit, në veri-perëndim të Sirisë dhe për shpëtimin e popullit mik dhe vëllazëror të rajonit nga presionet dhe persekutimet e këtyre, po vazhdon ashtu siç është planifikuar“.
Në deklaratë theksohet se operacioni po realizohet duke respektuar integritetin territorial të Sirisë, në kuadër të të drejtave të shtetit tonë të cilat rrjedhin nga e drejta ndërkombëtare, vendimet e Këshillit të Sigurimit të OKB-së për luftën kundër terrorizmit, sidomos ato me numër 1624 (2005), 2170 (2014) dhe 2178 (2014), si dhe ‘e drejta e vetëmbrojtjes legjitime’, e cila qëndron në nenin 51 të Konventës së OKB-së, transmeton aa.
