Kryeministri Edi Rama e ka nisur ditën e shtunë më një postim në rrjetin social “Facebook” ku shkruan për fatin e 7-vjeçares që i shkroi atij një letër.
Rama thotë se Mikaela 7-vjeçare, që me një letër të jashtëzakonshme më tregoi për vështirësitë që ajo dhe nëna e saj e sëmurë po kalonin.
Rasti i Mikaelës u evidentua nga “Tirana Today” përmes rubrikës më të re “Njerëz”, ku vajza 7-vjeçare rrëfeu vështirësitë e jetesës së saj.
Çdo javë, “Njerëz” do të sjellë për lexuesit personazhe të ndryshëm, të cilët, të parë përmes një lenteje tjetër dhe jashtë kornizës së kronikave të përditshme, tenton që të transmetojë një qasje krejt ndryshe ndaj problemeve sociale në shoqërinë shqiptare. Bëhet fjalë për personazhe dhe histori aq sa të ndryshme e të larmishme, po aq edhe të ngjashme në thelbin e tyre. Janë pikërisht ATA, njerëzit, që media në përgjithësi ka harruar ti fokusojë, për shkak se i ka drejtuar projektorët e kamerave vetëm tek politikanët dhe “VIP”-at.
Postimi i plotë i Ramës në Facebook
MIRËMËNGJES ?
dhe ju uroj një ditë të mbarë me këtë foto të Mikaelës 7-vjeçare, që me një letër të jashtëzakonshme më tregoi për vështirësitë që ajo dhe nëna e saj e sëmurë po kalonin. Mikaela e vogël mori dje lajmin e bukur të mbështetjes së plotë për qeranë e shtëpisë nga Bashkia, bashkë me sigurimin e një pagese për familjen për 3 muaj. Ndërkohë që nënës së Mikaelës do t’i ofrohet mundësia e punësimit sapo të bëhet mirë ?
