Të paktën gjashtë persona humbën jetën dhe 48 të tjerë u plagosën pas një atentati të dyfishtë gjatë natës së kaluar në qendër të Londrës.
Ndërkohë, policia tha se i kishte vrarë të tre terroristët e dyshuar, në aksin mes London Bridge dhe Borough Market.
Një furgon me shpejtësi të madhe ka përplasur këmbësorët në London Bridge, vend i cili është më i frekuentuar për turistët në kryeqytetin britanik
Autoritetet britanike ende nuk kanë dalë me informacione të detajuara, megjithatë, në rrjetet sociale theksojnë se një furgon me shpejtësi prej 80 kilometra në orë ka përplasur këmbësorët që gjendeshin në Urën e Londrës.
Mediat lokale raportojnë se përveç incidentit me furgonit, në kryeqytetin britanik kanë ndodhur edhe dy sulme tjera, njëri në Borough Market ku ka pasur të shtëna me armë, tjetri në zonën Vauxhaul ku persona të paidentifikuar kanë goditur me thikë kalimtarët.
Ndërkohë, kryeministrja britanike, Theresa May, ka deklaruar se incidenti me furgonin dhe raportimi për goditjet me thikë në Londër “është duke u trajtuar si një akt i mundshëm terrorist”.
Ajo theksoi se është duke u zhvilluar “një hetim i shpejtë” për zbardhjen e rasteve
Sulmi i mbrëmshëm vjen dy javë pas atij në “Manchester Arena”, ku të paktën 22 persona mbetën të vdekur dhe mbi 59 të tjerë u plagosën, gjatë koncertit të këngëtares Ariana Grande.
