“I them nënës dua bukë, nuk dua dhurata dua ushqim, dua të kem rrobe si shokët e mi, dua të kem bukë. Nuk dua të kem ftohtë unë, këtu futet era nga dritarja, futet dhe shiu”, ky është rrëfimi tronditës i Albioni, djalit 5-vjeçar që rrëfen dramën e madhe të një familjeje shqiptare.
Albioni është djali i madh i familjes Bilali në Pezë. Kjo familje ka pesë pjesëtarë, gjyshen, prindërit dhe vëllain më të vogël të Albioni. Familja jeton në kushte të mjerueshëm ku çfarë bie jashtë futet brenda sepse streha ku ata fusin kokën nuk ka as dyer dhe as dritare.
Video e Albionit është transmetuar në faqen e fondacionit “Fundjavë Ndryshe”. Familja është vizituar nga drejtori i fondacionit Arbër Hajdari, i cili bashkë më pjesëtarët e familjes rrëfejnë tmerrin që po kalojnë këta persona në një fshat historik shumë afër kryeqytetit.
“Pa derë pa dritare ashtu rrimë ne, vendosim batanije në vend të dyerve dhe dritareve. Djali punon me ditë vetëm kur ka punë. Vuajtjet e nënës s’kanë mbarim. Kam vuajtur shumë por jam sërish duke vuajtur.
I kam lënë fëmijët pa bukë, i them që të flenë gjumë por ato kërkojnë të hanë bukë. Ju e shikoni vetë gjendjen. Nuk jemi ngopur një herë më bukë”, rrëfen gjyshja djalit të vogël me lot në sy.
“Ftohtë është shumë herë, kalamajtë janë sëmurë dy tre herë dhe i kemi dërguar në spitale, por s’kemi pasur lekë t’i jepnim doktorëve dhe për këtë as na i kanë hedhur sytë.
Sobë nuk kemi pas por na e ka sjellë “Fundjavë Ndryshe” ku mund të gatuajmë e asgjë tjetër”, rrëfen nëna e dy fëmijëve të vegjël.
Tualeti është një strehë u rrethuar me llamarinë dhe si për derë ka një batanije. Kushtet e kësaj familjeje nuk kanë nevojë për fjalë të tepërta.
Arbër Hajdari i bën apel të gjithë shqiptarëve që të kontribuojnë që këtë banesë ta kthejnë në një strehëz të ngrohtë për 5 pjesëtarët e kësaj familje.
Për të gjithë ato që duan të dhurojnë :
Link i dhurimit Paypal ose Credit Card : https://ffn.al/en/donate-2/
Link i dhurimit GOFUNDME : https://www.gofundme.com/fundjavendrysheal
“Bamirësia nuk të varfëron”
