Për nënat që ushqejnë foshnjet me gji është e rëndësishme të dinë se cilësia e qumështit të gjirit të tyre, do të qëndrojë pak a shumë e njëjtë. Më e mira që mund të bëni është të siguroheni që jeni duke marrë të gjithë elementet ushqyes të nevojshëm për femijën tuaj.
- Bulmet me pak yndyrë
Qumështi, kosi apo djathi, është një pjesë shumë e rëndësishme e periudhës së gjidhënies. Përveç proteinave, vitaminave B dhe D, bulmeti është burimi më i mirë i kalciumit. Gjatë ushqyerjes me gji, qumështi juaj pasurohet me Kalcium për të mbështetur ndërtimin e kockave të foshnjes.
- Mish viçi pa dhjam
Si nënë e re, kërkoni ushqime të pasura me hekur, siç është mishi i viçit. Gjithashtu, gjatë laktacionit, nevojat tuaja për proteina dhe vitamine B-12 rriten ndjeshëm. Mishi i viçit i përmban kënaqshëm këto dy nutriente.
- Portokallet
Portokallet janë një burim shumë i shëndetshëm energjie për nënën. Gratë që ushqejnë me gji foshnjen, kanë më shumë nevojë për vitaminë C, sesa gratë shtatzëna, për këtë arsye portokallet dhe agrumet, në përgjithësi, janë zgjedhje e shkëlqyer.
- Vezët
E verdha e vezës është një nga burimet e vitaminës D, një vitaminë esenciale për të mbajtur kockat tuaja të forta dhe për të siguruar zhvillim të mirë të kockave të bebit. Vezët janë një burim i mirë proteinash me vlerën më të lartë biologjike. Vezët mund t’i përdorni në formë omelete me zarzavate, të ziera nëpër sallata apo në supa të ndryshme.
- Bukë e zezë
Acidi folik është shumë i rëndësishëm në javët e para të shtatzanisë dhe muajt e parë pas lindjes, për të pasur nivele optimale në qumeshtin e gjirit. Kjo vitaminë është tëper kyçe për foshnjen për të siguruar një shëndet të mirë. Buka e zezë dhe drithrat e plota përmbajnë, gjithashtu, edhe fibra dhe hekur.
