Policia italiane shkatërroi një rrjet narkotrafikantësh, përgjegjës për transportin e 5 tonëve marijuanë nga Shqipëria drejt Italisë.
Mes 25 të arrestuarve, 10 janë shqiptarë, emrat e të cilëve janë publikuar nga policia italiane.
Konkretisht, të arrestuarit e përfshirë në trafikun e marijuanës nga Shqipëria në Itali, janë:
Indrit Buja, 37vjeç,
Elvis Hajdini, 25 vjeç;
Shefik Muho,34 vjeç,
Vladimir Leskaj, 34 vjeç,
Adrian Licaj, 34 vjeç,
Vilson Nelaj, 34 vjeç;
Astrit Paskali, 45 vjeç;
Alban Sinani, 34 vjeç;
Gentian Sulejmani, 41 vjeç;
Luan Tahiraj, 39 vjeç;
Tirana Today raporton se emri i Shefki Muhos nuk është i panjohur për autoritetet italiane. Ai ishte pjesë e një grupi kriminal. Në qershor të vitit 2017, Guardia di Financa shkatërroi një grup italo-shqiptar të trafikut ndërkombëtar të lëndëve narkotike, ndërkohë që ka sekuestruar më shumë se 3.5 ton kanabis, vlera e të cilës në treg, përllogaritet rreth 35 mln euro.
Kështu, me datë 20 shkurt të këtij viti Shefki Muho 33 vjeç, bashkë me shqiptarët Vaso Mekshi, 39 vjeç, dhe Leonard e Emilian Bufi, 36 dhe 31 vjeç, që ishin pjesë e organizatës janë lënë në arrest shtëpiak, raporton brindisireport.it.
Prokurorët e Drejtorisë së Qarkut Anti-Mafia të Leçes morën përsipër procesin hetimor, lidhur me organizatën prej 14 personash, mes të cilëve edhe katër shqiptarë, të gjithë të arrestuar, që operonte në Brindisi. Drejtësia italiane vendosi për ta gjykim të shkurtuar, ku u ul një e treta e dënimit.
