Uji është shumë i rëndësishëm për organizmin tonë dhe tanimë ky fakt është i ditur. Rregullon temperaturën, ndihmon veshkat të kryejnë funksionin e tyre dhe largon papastërtitë që grumbullohen natyrshëm nga jeta e përditshme.
Por, nëse nuk marrim mjaftueshëm ujë, trupi dhe truri ynë do të vuajnë. Më poshtë lexoni 5 shenja që tregojnë se ndoshta keni nevojë për ta shtuar sasinë e ujit që pini.
1. Jeni i turbullt
Keni probleme me përqendrimin? Një studim i vitit 2012 ka treguar se të jesh vetëm 2% i dehidratuar ndikon në vemendje dhe kujtesë. Dhe kjo është vetëm maja e ajsbergut. Studime të tjera e kanë lidhur dehidratimin me ankthin dhe lodhjen.
2. Kapsllëk
Kapsllëku është një shenjë dehidratimi kronik. Zorrët kanë nevojë për ujë për të punuar siç duhet. Duhet të pini më shumë në mënyrë që të mos keni probleme me zorrën e trashë.
3. Performancë e dobët në stërvitje
Të vraposh jashtë kur është shumë vapë do të thotë se do të djersisësh shumë. Por, nëse djersit shumë dhe nuk e zëvendëson djersën me lëngje do të rraskapitesh dhe nuk do të vraposh dot për një kohë të gjatë. Kur është shumë vapë pini ujë çdo 20 minuta gjatë stërvitjes.
4. Probleme me urinën
Kur nuk ka shumë ujë që qarkullon në organizëm, veshkat nuk do të prodhojnë shumë urinë. Duke qenë se është më e përqendruar do të keni një urinë me erë më të fortë dhe me ngjyrë më të errët. Kjo urinë si koncentrat mund ta bëjë urinimin një proces të parehatshëm dhe irritues.
5. Dhembje koke
Dehidratimi mund të çojë në dhembje koke. Mundet që dehidratimi ul nivelet e lëngjeve rreth shtyllës kurrizore dhe trurit, gjë që mund të ndikojë presionin në tru./Shije.al/
