Braziliani Danilo Alves do të hapë gjyq ndaj klubit të Flamurtarit për shkak të pesë rrogave të prapambetura.
Sulmuesi brazilian u largua nga Flamurtari një vit më parë pikërisht për shkak të vonesës së rrogës dhe më pas u kthye sërish.
Deri më tani nuk ka një kërkesë zyrtare për hapje të gjyqit nga avokati i Alves, por burime të Panorama Sport shkruajnë se lojtari është interesuar për këtë çështje pranë FSHF-së dhe në ditët në vijim pritet që të ketë zhvillime konkrete.
Në një situatë të tillë, Skënderbeu i ka bërë kërkesë zyrtare sulmuesit Alves, madje korçarët janë interesuar për shërbimet e brazilianit edhe një vit më parë.
Mbetet për t’u parë se si do të përfundojë beteja e radhës e sulmuesit brazilian me Flamurtarin, i cili i detyrohet pesë rroga Danilo Alvesit.
