Ministri i ri i Punëve të Jashtme të Maqedonisë, Nikolla Dimitrov, pas votimit të qeverisë së re të vendit, ka deklaruar se hapi i parë i tij do të jetë vizita në vendet e rajonit me të cilat, sipas tij, marrëdhëniet janë disi të tendosura.
Sipas tij, vizitat do të shërbejnë që fqinjëve t’u tregohet pamja e re e Maqedonisë. I pyetur për çështjen e emrit, Dimitrov ka thënë se do të punojë me konstruktivitet dhe se para qytetarëve do të dalin me propozim konkret, pasi që të arrihet pajtueshmëri me opozitën.
Dimitrov e ka konsideruar si të papranueshme çështjen e agjentit serb Goran Zhivaljeviq në natën e dhunshme në Kuvendin e Maqedonisë, raporton Bota Sot.
