Pas përleshjeve me policinë, mësohet se janë arratisur nga burgu rreth 400 persona. Këta të fundit janë arratisur nga një burg pranë kryeqytetit libian, Tripoli, mes dhunës vdekjeprurëse midis grupeve të milicisë në qytet.
“Të paraburgosurit qenë në gjendje të detyronin autoritetet policore të hapnin dyert, në mënyrë që t’i linin të lirë të dilnin nga burgu Ain Zara”, tha policia lokale.
Të frikësuar për jetën e tyre, rojet nuk kanë qënë në gjendje që të parandalonin shpërthimin pas trazirave në burg.
Përleshjet mes milicive në qytet kanë bërë që qeveria e mbështetur nga OKB-ja në Libi, të deklarojë një gjendje të jashtëzakonshme.
Ngjarja e djeshme u zhvillua gjatë dhunës së armatosur midis fraksioneve rivale rreth burgut, ku strehohen vetëm të burgosurit meshkuj.
