Protesta e banorëve të Astirit u shoqërua dje me tensione të vazhdueshme, e ndërsa banorët tentuan të hapnin me forcë derën e Bashkisë. Situata devijoi më tej, duke u djegur goma në rrugë. Policia menjëherë u vu në lëvizje, duke shoqëruar disa prej protestuesve në rajon.
Mëngjesin e sotëm, policia ka shoqëruar një 30-vjeçar, banor i zonës së Astirit, banesat dhe bizneset e të cilëve janë parashikuar të prishen, pasi aty do të kalojë projekti i Unazës së Madhe.
“Më shoqëruan me forcë me pranga. 40 punonjës policie erdhën dhe më morën”, tha Dorjan Protetuari, pas lirimit të tij nga ambientet e komisariatit nr 6, rreth orës 10:58.
https://tiranatoday.com/i-arrestuan-djalin-pas-protestes-per-banesat-gruaja-ne-astir-humb-ndjenjat/
Pasi është sinjalizuar për shoqërimin e djalit, e ëma e 30-vjeçarit i kanë rënë të fikët, dhe është shoqëruar në spital.
Banorët shprehen të vendosur për të vijuar kauzën e tyre, dhe paralajmërojnë që protestën do ta vijojnë në orën 17:00.
“I bëj thirrje Ramës tërhiqu, se nuk ndalemi”, tha Dorjani në një prononcim për median, jashtë ambienteve të komisariatit.
