Një 70-vjeçar u nxorr i gjallë ditën e sotme, nga rrënojat e një ndërtese në Turqinë perëndimore, pasi kishte qëndruar i ‘varrosur’ për 33 orë.
Ahmet Citim, u shpëtua nga rrënojat e ndërtesës “Riza Bey”, një nga 20 vendbanimet që u shemb gjatë tërmetit, shkruan Reuters.
Deri më tani, në Turqi raportohen 55 viktima dhe mbi 900 të plagosur.
Tërmeti i fuqishëm që goditi të premten e 30 tetorit Detin Egje midis bregdetit turk dhe ishullit grek të Samos, kishte një magnitudë 6.6 të shkallës të Rihterit.
Në ishullin Samos të Greqisë, humbën jetën dy adoleshentë nga tërmeti, ndërsa disa të tjerë mbetën të plagosur mes tyre dhe një shqiptar.
