Dalin detaje të reja lidhur me vrasjen e administratorit të njësisë administrative në fshatin Kotë, të Selenicës.
Policia ka dhënë informacionin paraprak teksa njofton se krimi ka ndodhur në një lokal në qendër të fshatit Kotë. Mësohet se viktima Fatmir Hodaj ka qenë ulur në lokal në një tavolinë me autorin, ku kanë qëndruar duke pirë kafe e duke biseduar për 30 minuta.
Më pas, duket se situata është nxehur, teksa autori me iniciale A.D. është ngritur nga tavolina, ka marrë çiften dhe më pas e ka qëlluar kreun e njësisë administrative Kotë.
Fillimisht autori 43-vjeçar është larguar nga vendngjarje, ndërsa policia e Vlorës ka arritur ta arrestojë para pak minutash në banesën e tij.
Dyshohet se vrasja ka ndodhur për shkak të një konflikti të mëparshëm mes palëve, por pritet të konfirmohet dhe të jepen detaje të tjera nga autoritetet përkatëse.
