Kujtim Koxha, autor i masakrës në Mat, nuk është penduar për krimin e rëndë.
Koxha është shoqëruar në Komisariatin e Burrelit, ndërsa ka kërkuar që avokatin ta gjejë vetë dhe jo nga shteti.
51-vjeçari kur ka hyrë në komisariat ka kërkuar bukë. ‘Bukë se vdiqa nga uria,’- ka thënë ai.
Koxha është ish-kryetar i PS-së në fshatin Shëlli. Ai vrau tre punonjës të bashkisë për një rrugë. Konflikti ka nisur nga hiçi, ndërsa Koxha ka qenë i dehur kur ka kryer krimin.
“Keni për ta parë se kush jam unë”, ka thënë Koxha para krimit.
Ai ka shkuar në shtëpi dhe ka marrë një automatik, duke qëlluar më pas në drejtim të njerëzve në lokal.
“Do ju vras të gjithëve”, mësohet të ketë thënë autori teksa ka qëlluar me breshëri në lokal.
