Pas mbledhjes së PS dhe PD me grupet parlamentare përkatëse janë bërë publike edhe pikat që janë rënë dakord midis palëve.
Sipas dakordësimit të palëve mësohet se Presidenti i Republikës duhet të dekretojë datën e re të zgjedhjeve më 25 qershor 2017.
Gjithashtu një pikë tjetër e rëndësishme është regjistrimi i menjëhershëm i partive politike të opozitës si dhe regjistrimi i listave shumemërore të partive politike të opozitës brenda datës 26 Maj 2017.
Kjo marrëveshje shënon dhe një akt tjetër të rëndësishëm ku rëzohet paketa McAllister dhe hyn në fuqi paketa “Rama-Basha”.
- ZGJEDHJET
- Presidenti i Republikës dekreton datën e re të zgjedhjeve më 25 qershor 2017.
- Regjistrimi i menjëhershem i partive politike të opozitës. Regjistrimi i listave shumemërore të partive politike të opozitës brenda datës 26 Maj 2017.
- Listat e zgjedhësve
- Përfshirja në listat e zgjedhësve e zgjedhësve të rinj që votojnë në datën e re të zgjedhjeve.
- Dhënia e aksesit opozitës në informacionin e mbledhur nga projekti i Adresave dhe çështjet të tjera të lidhura me zgjedhësit, nëpërmjet auditeve të KQZ-së.
- Mbështetje KQZ-së për përgatitjen e materialeve zgjedhore.
- Plotësimi i komisioneve zgjedhore dhe grupeve të numërimit.
- Zgjedhjet e pjesëshme për bashkinë e Kavajës, do të zhvillohen në të njëjtën ditë me zgjedhjet e përgjithëshme.
- Pezullimi i çdo iniciative për kontrata të përkohëshme në nivel qëndror dhe vendor.
- Mbështetje ndërkombëtare për forcimin e monitorimit te listës së zgjedhësve.
- Mbështetje ndërkombëtare për KQZ- për ngritjen e linjave telefonike të ndihmës për vezhgimin dhe shqyrtimin e ankesave mbi ligjin e shërbimit civil dhe blerjen e votës.
