Kampionët e Serie A kanë humbur edhe një lider në ditën e fundit të merkatos. Bëhet fjalë për Claudio Marchisio, i cili kaloi 25 vite me fanellën bardhezi, ndërsa sot vendos që të shkëpusë kontratën. Ishte klubi i Juventusit që i surprizoi të gjithë me njoftimin se ka shkëputur me konsensus kontratën me mesfushorin italian.
Mesfushori i rritur në ekipet e moshave vendos të largohet nga Zonja e Vjetër pas plot 25 vjetësh, nga të cilët 11 i ka kaluar në skuadrën e parë. Marchisio duke parë se kishte humbur vendin e titullarit dhe kohët e fundit trajneri Allegri i kishte dhënë shumë pak hapësira, vendosi që të pranojë ofertën e Montreal Impakt.
Numri 8 i Juventus aq i dashur për tifozët zgjodhi rrjetin Instagram për të përshëndetur të gjithë ata që e mbështetën, dhe shpreson se do ta bëjnë edhe në rrugëtimin e ri. Ai largohet nga Juventusi pas 294 ndeshjeve dhe 33 golave, periudhë në të cilën koleksionoi 7 tituj kampion radhazi, 3 superkupa të Italisë dhe 4 Kupa Italie radhazi.
