Kampioni i botës në kik-boks, Kristian Prenga, do të ngjitet në ring gjatë këtij muaji për t’u përballur me kanadezin Tim Chemelli. Në një duel boksi gjashtëraundësh, shqiptari do të vazhdojë përpjekjet drejt boksit profesionist në meçin që zhvillohet më 24 mars në Metro Toronto Convention Centre.
Statistikat e Prengës janë 6-1 (gjashtë nokaute), kurse rivali i tij 36-vjeçar ka rekord 4-2 (katër nokaute). Shqiptari 27-vjeçar, i cili ka lindur në Orosh të Mirditës, e ka publikuar lajmin në rrjetet sociale duke treguar ambiciet e tij për të arritur sukses.
“Sy shqiponja’ në ring me 24 mars. Në një super përballje, kampioni Kristian Prenga ndeshet me Tim Chemelli në Kanada. Përgjegjësia është shume e madhe, por akoma më e madhe është dëshira për t’ju bërë krenarë me arritjen e radhës. Dita e madhe po vjen. Mos e humbni!”, shkruan në një postim në Facebook.
