Vërshëllima e trefishtë e një arbitri, sinjalizon fundin e një ndeshje. Por për Julio Cesar sot ishte vërshëllima e fundit që do të dëgjonte në një ndeshje futbolli, pasi ka dhënë lamtumirën. Lot, përqafime dhe shume mallëngjim kanë shoqëruar lamtumirën nga futbolli i luajtur për portierin brazilian.
Ne Manacana ish-portieri i Interit të ‘tripletës’ së vitit 2010 luajti ndeshjen e fundit të karrierës së tij, me fitoren 2-0 të Flamengos ndaj Club America. ‘Kam qarë gjithë javën’, deklaroi mes lotësh Julio Cesar.
Në palmaresin e artë portieri brazilian, përveç ‘Tripeltës’ me Interin numëron edhe 4 tituj kampionë të tjerë, 3 kupa të Italisë, 4 Superlupa, 3 tituj kampion me Benfikën, 2 kupa të ligës portugeze, një Superkupë të Portugalisë. Me kombëtaren e Brazilit fitoi një Kupë të Amerikës dhe 2 Confederations Cup. Julio Cesar në janar u rikthye të Flamengo për të mbyllur një karrierë të gjatë, nisur që në vitin 1997.
