21 qershori shënon fillimin e sezonit të plotë turistik në tre bashkitë që lagen nga Liqeni i Ohrit – Struga, Ohri dhe Pogradeci.
Dita e Liqenit të Ohrit është përkujtuar për herë të parë në vitin 2002, me qëllim kontribuimin në mbrojtjen e pasurisë natyrore dhe kulturore të rajonit, si dhe përafrimin e mëtejshëm të banorëve në të dyja anët e liqenit.
Vendi mikpritës i manifestimit qarkullon nga njëra bashki te tjetra, por mesazhi është gjithmonë i njëjtë: rritja e ndërgjegjësimit për bashkëpunim sa më të madh të qytetarëve dhe të pushtetit për mbrojtjen e basenit të liqenit të Ohrit, si pasuri e pazëvendësueshme natyrore.
