Gjykata e Shkodrës ka vendosur të lërë në burg shtetasit Zef Kola, Kristian Melaj dhe Genc Meçaj të cilët u arrestuan gjatë operacionit “Prekalori”ku u sekuestruan 205 kg drogë.
Zef Kola dyshohet të ishte kreu i këtij grupi kriminal, ndërsa shtetasi Genc Meçaj të ketë qenë bashkëpunëtori kryesor.
Nga ana tjetër, për 2 shtetasit e tjerë të arrestuar, Elvis Hysaj dhe Xhusepe Melaj u vendos masa e sigurisë “detyrim paraqitjeje”. Arrestimi i 5 shtetasve është kryer pasi në bashkëpunim me njëri-tjetrin po kryenin shkëmbimin e lëndës narkotike, me qëllim përfitimin.
Sasia e lëndës narkotike është gjetur në një fugon, në prani të shtetasve Zef Kola dhe Genc Meçaj, të cilët do të kryenin shkëmbimin e lëndës narkotike. Pas ndërhyrjes së policisë, u sekuestrua automjeti tip fugon; lënda narkotike me peshë 205 kg; 4 automjete të markave të ndryshme dhe 5 telefona celularë.
