Viti 2019 ka qenë një “vit furtunë” për shumë drejtues policie. Abc News bën me dije se sipas një auditi të ministrisë së Brendshme këtë vit janë larguar rreth 70 drejtues dhe efektivë policie. Ata janë hetuar, arrestuar ose larguar nga detyra përgjatë 11 muajve të 2019, pasi kanë lejuar kultivimin e lëndëve narkotike nga grupet kriminale në rajone të ndryshme të vendit.
Sipas Drejtorisë së Standardeve Profesionale, drejtuesit e policive vendore kanë dështuar në masat për të parandaluar mbjelljen e kanabisit.
Në ndihmë të Policisë së Shtetit kanë qenë edhe relacionet e monitorimit nga ajri në muajt qershor-korrik-gusht nga Guardia di Finanzza për parcelat me kanabis.
Dyshohet se “Specialistët e Policisë Zonale” kanë bashkëpunuar me kultivuesit, duke mos raportuar për parcelat e zbuluara. Burime konfidencialë bëjnë me dijë për ABC News se: disa dhjetëra drejtues të tjerë të uniformave blu në rang lokal vijojnë të janë të pezulluar nga detyra dhe dyshohen si të përfshirë në kultivimin e kanabisit.
Rrethet më problematike në kultivimin e kanabisit rezultuan; Librazhdi, Erseka, Gjirokastra, Vlora, Durrësi, dhe Shkodra.
