Aktori Will Smith ka festuar 20-vjetorin e martesës me bashkëshorten e tij, Jada Pinkett Smith.
Në një postim në Instagram, ylli i Suicide Squad ka shkruar një mesazh emocionues për bashkëshorten e tij, shoqëruar me një foto nga dasma e tyre në vitin 1997.
Teksa e quan atë ‘mbretëreshë’, aktori i uron asaj përvjetorin e 20-të së bashku me një mesazh prekës:
“20 vjet më parë, ne mbanim duart e njëri-tjetrit fort teksa ecnim drejt altarit. Kam mësuar shumë prej atëherë. Dashuria është si një kopsht. Kam mësuar të fokusohem të të ndihmojë të lulëzosh në atë që dëshiron të jesh (në atë që je lindur të jesh), dhe jo të kërkoj të jesh ashtu siç kërkon egoja ime. Kam mësuar të gjej kënaqësi kur ti ndjek ëndrrat e tua, më shumë se sa të të shtyj të përmbushësh dëshirat e mia egoiste duke mbuluar kështu edhe pasiguritë e mia.
Kam mësuar që dashuria është të dëgjosh. Dashuria është të japësh. Dashuria është liri. Urime përvjetorin, mbretëresha ime. Jam i përkushtuar të jem pranë teje,” mbyll komentin Will.
Smith është gjithashtu babai i një djali 25-vjeçar, që e ka nga martesa e mëparshme.
